जिल्हा परिषद पालघर येथे सामाजिक समता सप्ताह उत्साहात

जिल्हा परिषद पालघर येथे सामाजिक समता सप्ताह उत्साहात

पालघर (प्रतिनिधी):
जिल्हा परिषद पालघर व समाज कल्याण विभागाच्या वतीने B. R. Ambedkar यांच्या जयंतीनिमित्त आयोजित सामाजिक समता सप्ताह उत्साहात साजरा करण्यात आला. हा कार्यक्रम जिल्हा परिषद पालघर येथील जननायक बिरसा मुंडा सभागृहात पार पडला.
या कार्यक्रमास सहायक आयुक्त (समाज कल्याण) पांडुरंग वाबळे, जिल्हा समाज कल्याण अधिकारी डॉ. प्रकाश हसनाळकर, जिल्हा कार्यक्रम अधिकारी (महिला व बालविकास) व्यंकटराव हुंडेकर, उपमुख्य कार्यकारी अधिकारी (मनरेगा) अतुल पारसकर, शिक्षणाधिकारी (प्राथमिक) सोनाली मातेकर, शिक्षणाधिकारी (माध्यमिक) अशोक पाटील यांच्यासह विविध विभागांचे अधिकारी व कर्मचारी मोठ्या संख्येने उपस्थित होते.
यावेळी मार्गदर्शन करताना डॉ. प्रकाश हसनाळकर यांनी भारतीय संविधानाचे महत्त्व अधोरेखित केले. संविधानाने प्रत्येक नागरिकाला समान हक्क, न्याय, स्वातंत्र्य आणि बंधुतेची हमी दिली असून सामाजिक समतेची भक्कम पायाभरणी केल्याचे त्यांनी सांगितले. B. R. Ambedkar यांनी संविधानाच्या माध्यमातून वंचित घटकांना मुख्य प्रवाहात आणले, त्यामुळे संविधानातील मूल्यांचे पालन करणे ही प्रत्येकाची जबाबदारी असल्याचे त्यांनी नमूद केले.
यावेळी सोनाली मातेकर, अशोक पाटील व व्यंकटराव हुंडेकर यांनीही सामाजिक समता, बंधुता व सामाजिक न्याय या मूल्यांची समाजात रुजवण करण्याचे आवाहन केले.
सामाजिक समता सप्ताहाच्या निमित्ताने ८ ते १४ एप्रिल दरम्यान जिल्हाभर विविध जनजागृतीपर व प्रबोधनात्मक उपक्रम राबविण्यात येणार असल्याची माहिती देण्यात आली. यामध्ये संविधान जागर अभियान, जनजागृती शिबिरे, रक्तदान शिबिरे, स्वच्छता अभियान, ऑनलाईन व्हॅलिडिटी प्रमाणपत्र वितरण, शाळा व महाविद्यालयांमध्ये व्याख्याने, निबंध व वक्तृत्व स्पर्धा, पथनाट्य व लघुनाटिका सादरीकरण आदी उपक्रमांचा समावेश आहे. तसेच Gadge Maharaj जयंतीनिमित्त विविध स्पर्धा व कार्यक्रम आयोजित करण्यात येणार आहेत.
कार्यक्रमादरम्यान संविधानाच्या उद्देशिकेचे वाचनही करण्यात आले. या सप्ताहाच्या निमित्ताने जिल्हाभर सामाजिक समतेचा संदेश पोहोचविण्यासाठी विशेष प्रयत्न करण्यात येणार असल्याचे यावेळी सांगण्यात आले.