पालघर : तुषार (रोशन) पाटील यांनी काँग्रेसकडून वॉर्ड नं. ९. ब.प्रभागातून उमेदवारी अर्ज दाखल
पालघर : तुषार (रोशन) पाटील यांनी काँग्रेसकडून वॉर्ड नं. ९. ब.प्रभागातून उमेदवारी अर्ज दाखल
पालघर –(प्रतिनिधी) पालघर नगरपरिषद निवडणुकांना वेग आला असताना वॉर्ड क्रमांक ९ (प्रभाग ब.) मधून काँग्रेस पक्षातर्फे तुषार (रोशन) पाटील यांनी अधिकृतपणे उमेदवारी अर्ज दाखल केला आहे. त्यांच्या अर्ज दाखल करण्याने या प्रभागातील निवडणूक अधिकच उत्सुकतेची झाली आहे.
अर्ज भरताना काँग्रेसच्या स्थानिक पदाधिकाऱ्यांची व कार्यकर्त्यांची मोठी उपस्थिती दिसून आली. या प्रभागात गेल्या काही वर्षांपासून प्रलंबित असलेले प्रश्न—पाणीपुरवठा, गटारव्यवस्था, रस्ते दुरुस्ती, तसेच नागरिकांना मूलभूत सुविधा—ह्या मुद्द्यांवर तुषार पाटील यांनी निवडून आल्यानंतर ठोस उपाययोजना करण्याचे आश्वासन दिले आहे.
काँग्रेस पक्षाने तरुण आणि कार्यकर्त्यांमध्ये लोकप्रिय चेहरा म्हणून तुषार (रोशन) पाटील यांच्यावर विश्वास दाखवला असून या प्रभागात चुरशीची लढत होण्याची शक्यता राजकीय वर्तुळात व्यक्त केली जात आहे.
उमेदवारी अर्ज दाखल होताच समर्थकांनी उत्साही घोषणा देत तुषार पाटील यांना शुभेच्छा दिल्या. आगामी काही दिवसांत प्रचाराला गती मिळेल, अशी माहिती सूत्रांनी दिली.
